రెయిన్‌… రెయిన్‌… హైదరాబాద్‌ లో వానలే వానలు

హైదరాబాద్‌, జూలై 18, (ఇయ్యాల తెలంగాణ ): ఎట్టకేలకు తెలుగురాష్ట్రాల్లో మొదలైన వానలు..రెండు రాష్ట్రాల్లోనూ ఆగకుండా జల్లులు కురుస్తున్నాయి. హైదరాబాద్‌ అంతటా దట్టమైన మేఘాలు కమ్మేశాయి. బంగాళాఖాతంలో అల్పపీడనం ఏర్పడిరది. దీని ప్రభావంతో రాగల 72గంటల్లో తెలుగు రాష్ట్రాల్లో జోరుగా వానలు కురిసే అవకాశం ఉందని వాతారణ శాఖ ప్రకటించింది. ప్రధానంగా తెలంగాణ రాష్ట్రానికి హై అలర్ట్‌ ప్రకటించింది హైదరాబాద్‌ వాతావరణ కేంద్రం. వచ్చే నాలుగు రోజుల పాటు భారీ వర్షాలు కురుస్తాయని వెల్లడిరచింది. ఆయా జిల్లాలకు ఆరెంజ్‌ అలర్ట్‌ జారీ చేసింది వాతావరణ శాఖ. ఆంధ్రప్రదేశ్‌లోనూ అక్కడక్కడా వర్షాలు కురుస్తున్నాయి. ఈ అల్పపీడనం ప్రభావంతో మరో రెండు రోజుల పాటు పలు చోట్ల వర్షాలు పడనున్నాయి. ఉత్తరకోస్తాంధ్ర, దక్షిణ కోస్తాంధ్ర, రాయలసీమల్లో వర్షాలు కురవనున్నాయి. అయితే, ఇవాళ వాయువ్య బంగాళాఖాతంలో ఉపరతిల ఆవర్తనం ఏర్పడనుందని, రేపు అది అల్పపీడనంగా మారే అవకాశం ఉందని తెలిపారు వాతావరణ శాఖ అధికారులు.వాయువ్య బంగాళాఖాతంలో, దాన్ని పరిసర ప్రాంతాల్లో ఏర్పడిన ఉపరితల ఆవర్తనం కారణంగా తెలంగాణలోని అదిలాబాద్‌, ఆసిఫాబాద్‌, కొమరం భీమ్‌, మంచిర్యాల్‌, నిర్మల్‌, నిజామాబాద్‌, జగిత్యాల, రాజన్న సిరిసిల్ల, కరీంనగర్‌, పెద్దపల్లి, జయశంకర్‌ భూపాలపల్లి, ములుగు, భద్రాది కొత్తగూడెం, మహబూబాబాద్‌, వరంగల్‌, హనుమకొండ, జనగాం, సిద్దిపేట్‌, కామారెడ్డి, హైదరాబాద్‌, యాదాద్రి భువనగిరి జిల్లాల్లో భారీ వర్షం కురిసే అవకాశం ఉందని ప్రకటించారు వాతావరణ శాఖ అధికారులు. మంగళవారం నాడు 21 జిల్లాలకు ఎల్లో అలర్ట్‌ ప్రకటించగా.. బుధవారం నాడు 7 జిల్లాలకు ఆరెంజ్‌ అలర్ట్‌ ప్రకటించారు. బుధవారం నాడు మంచిర్యాల, నిర్మల్‌, నిజామాబాద్‌, జయశంకర్‌, భూపాలపల్లి, ములుగు, భద్రాద్రి కొత్తగూడెం, మహబూబ్నగర్‌, జిల్లాల్లో అతి భారీ వర్షం కురిసే అవకాశం ఉందని ప్రకటించారు. ఇక హైదరబాద్‌లో ఉరుములతో కూడిన తేలికపాటి వర్షాలు కురుస్తాయన్నారు. గరిష్ట కనిష్ట ఉష్ణోగ్రతలు క్రమంగా 28ళీ నుండి 23ళీగా ఉంటాయని తెలిపారు.ఇదిలాఉంటే.. తెలంగాణ రాజధాని హైదరాబాద్‌లో నిన్నటి నుంచి జోరుగా వర్షాలు కురుస్తున్నాయి. హైదరాబాద్‌లో అర్థరాత్రి భారీ వర్షం కురిసింది. బంజారాహిల్స్‌, జూబ్లీహిల్స్‌, పంజాగుట్టా, అవిూర్‌పేట్‌, కూకట్‌పల్లి, కొండాపూర్‌, దిల్‌సుఖ్‌నగర్‌, ఎల్బీనగర్‌, వనస్థలిపురం, హయత్‌నగర్‌, బీఎన్‌రెడ్డి, ఉప్పల్‌, సికింద్రాబాద్‌, బోయిన్‌పల్లిలో ఆగకుండా వర్షం కురుస్తోంది. ఇక ఈ వర్షం కారణంగా కొన్ని ప్రాంతాల్లో రోడ్లపైనే వర్షం నీరు నిలిచిపోయింది.