హైదరాబాద్, నవంబర్‌ 23 (ఇయ్యాల తెలంగాణ) : ప్రతి రోజు వాకింగ్ చేయడం ప్రారంభించాలని అనుకుంటున్న వారు ఇప్పటికే నడకను ప్రారంభించిన వారు గుర్తుంచు కోవాల్సిన అతి ముఖ్య మైన జాగ్రత్తలు తెలుసుకొందాం …
1. నడవడం మాత్రమే కాదు – సరిగ్గా నడవడమూ ముఖ్యమే ముందుకు వంగి పోయి నడిస్తే శ్వాస తీసుకోవడం కష్టమవుతుంది. నడుం నొప్పి వచ్చే ప్రమాదముంది. కాబట్టి వెన్నుముక నిటారుగా ఉండటం మంచిది తల మీద కిరీటం పెట్టుకున్నట్లుగా ఉహించుకొని నడిస్తే ఇలాంటి స్థితిని పొందవచ్చు. టోపీ (క్యాప్) ధరించడం వల్ల కూడా ఉపయోగముంటుంది.
2. కొందరు పాదాలను చూస్తూ నడుస్తుంటారు. దీంతో వెన్నుముక మరియు మెడ మీద భారం పడుతుంది. కాబట్టి ముందు వైపు సుమారు 10-20 అడుగుల దూరంలో చూపు నిలిపి నడవటం అలవాటు చేసుకోవాలి. ఇలా శరీరం పై భాగాన ఒత్తిడి పడకుండా చూసుకోవచ్చు.
3. నడవడానికి ముందు గ్లాసు నీళ్లు తాగటం వల్ల చాలా లాభాలుంటాయి. నడుస్తున్నపుడు మధ్య మధ్యలో 15 నిముషాల కొకసారి నీరు తాగడం వల్ల నోరు ఎండి పోకుండా ఉంటుంది.