శీతాకాలం వచ్చిందంటే మార్కెట్లో ఉసిరికాయలు అందుబాటులో ఉంటాయి. భారత దేశంలో మంచి ఆరోగ్య ప్రయోజనాలను చేకూర్చే కాయలలో ఉసిరికాయ ఒకటి. ఆయుర్వేదంలో దీనిని బాగా ఉపయోగిస్తారు. అటువంటి ఉసిరికాయలు కొంతమందికి మాత్రం దుష్ప్రభావాలను కలిగిస్తాయి. అటువంటివారు ఉసిరికాయలను తినకుండా ఉంటేనే మంచిది. ఎవరు ఉసిరి కాయలను తినకూడదు ? ఎటువంటి ఆరోగ్య పరిస్థితులలో ఉసిరికాయలను తినకూడదు ? అనేది ప్రస్తుతం తెలుసుకుందాం. వీరు ఉసిరిని తినొద్దు తక్కువ రక్త, చెక్కర స్థాయిలు ఉన్నవారు ఉసిరికాయలను తినకూడదు. డయాబెటీస్ తో బాధపడేవారు ఉసిరికాయలను తినొచ్చు. కానీ హైపోగ్లైసీమియా ప్రమాదం ఉన్నవారు ఉసిరికాయలను తినకుండా ఉంటేనే మంచిది. రక్తస్రావ సమస్యలు ఉన్నవారు కూడా ఉసిరి విషయంలో జాగ్రత్తగా ఉండాలి. ఉసిరిలో ఉండే యాంటీ ప్లేట్లెట్ లక్షణాలు వల్ల ఇది రక్తస్రావ ప్రమాదాన్ని పెంచుతుంది. వీరు ఉసిరిని తింటే ఈ ఇబ్బందులు ఉసిరిలో ఆమ్ల స్వభావం మరియు అధిక విటమిన్ ” సి” కంటెంట్ ఉంటుంది. ఇది కొన్ని సార్లు జీర్ణ సంబంధమైన సమస్యలకు కారణమవుతుంది. కనుక సున్నితమైన కడుపు ఉన్నవారు, జీర్ణ సంబంధమైన సమస్యలను ఎదుర్కొనేవారు ఉసిరిని తినకుండా ఉంటేనే మంచిది.
ఒకవేళ అటువంటి వారు ఉసిరిని తింటే కడుపు ఉబ్బరం, విరోచనాలు వంటి సమస్యలను ఎదుర్కోవలసి వస్తుంది. కొన్ని రకాల మందులను వాడేవారు కూడా ఉసిరిని తినొద్దు. ఉసిరిలో సహజంగా రక్తాన్ని పలుచబరిచే గుణం ఉంటుంది. ఇది హృదయ సంబంధమైన ఆరోగ్య సమస్యలకు దోహదం చేస్తుంది. ఆస్ప్రిన్, క్లోపిడోగ్రెల్, వార్ఫరిన్ వంటి టాబ్లెట్లను ఉపయోగించేవారు ఉసిరిని తినకుండా ఉంటేనే మంచిది. ఈ టాబ్లెట్లను ఉపయోగించేవారు ఉసిరిని తింటే ఇది రక్తం గడ్డ కట్టే సమయాన్ని పొడగించవచ్చు. వీరిలో రక్తస్రావ సమస్య పెరుగుతుంది. మూత్ర పిండాల వ్యాధులు, అలెర్జీలు ఉన్నవారు కూడా ఉసిరి తినొద్దు. ఇక యాంటీబయాటిక్ మందులు తీసుకుంటున్న వారు సైతం ఉసిరిని తినాలా ? వద్దా ? అనేది వైద్యుడిని సంప్రదిస్తే మంచిది. ఉసిరిలో విటమిన్ “సి” పుష్కలంగా ఉండటం వల్ల ఇది శరీరంలో ఆక్సలేట్ గా మారుతుంది. ఇది మూత్ర పిండాలలో రాళ్ళూ ఏర్పడడానికి కారణమవుతుంది. కనుక మూత్ర పిండాల సమస్యలు ఉన్నవారు ఉసిరిని తినకుండా ఉంటేనే మంచిది. ఇక కొంతమంది ఉసిరిని తింటే అలర్జీలు వచ్చేవారు దీనిని తినకుండా ఉంటేనే మంచిది.
గమనిక : ఈ వ్యాసం అందరికి అవగాహన కోసం మాత్రమే అందించబడింది. వారి వారి ఆరోగ్య పరిస్థితి, డాక్టర్ల సూచనల మేరకే ఏమి తినాలి ఏమి తినకూడదు అనే విషయాలను మీరే నిర్ధారించుకోవాలి !
