SC/ST ఐక్యవేదిక బోనాల సమర్పణ

SC/ST ఐక్యవేదిక  –  ఆషాడ మాసం బోనాల  జాతర

చార్మినార్,జులై 17 (ఇయ్యాల తెలంగాణ) : ఆషాడ మాసం బోనాల  జాతర ను పురస్కరించుకొని ఆదివారము పాతబస్తీ బోనాల సందర్భంగా తెలంగాణ ఎస్సీ/ఎస్టీ ఐక్యవేదిక వ్యవస్థాపక అధ్యక్షులు బుంగ శివకుమార్ వారి నివాసం నుండి  శ్రీ గాలి పోచమ్మ అమ్మవారికి,శ్రీ రేణుక ఎల్లమ్మ దేవాలయానికి ప్రత్యేక బోనాలు సమర్పించారు. పటేల్ నగర్ లోని గౌలిపుర నివాసం నుంచి పోతరాజుల నృత్యాలతో, ఆడుతూ పాడుతూ బయలుదేరినారు. పటేల్ నగర్ లో శ్రీ రేణుక ఎల్లమ్మ దేవాలయానికి బయలుదేరి అమ్మవారికి ఒడిబియ్యం పోయడం జరిగింది తొట్టెల సమర్పించి అమ్మవారి దర్శనం చేసుకున్నారు. అక్కడనుండి అంబిక నగర్ శ్రీ గాలి పోచమ్మ దేవాలయానికి బయలుదేరి అమ్మవారికి ఒడిబియ్యం పోసి తొట్టెల సమర్పించి అమ్మవారి దర్శనం చేసుకున్నారు. అమ్మవారికి తొట్టెలలు ఫలహారబండితో సకుటుంబ సమేతంగా కదలివెళ్లారు .