రంగారెడ్డి, సెప్టెంబర్ 12 (ఇయ్యాల తెలంగాణ) : జంట జలాశాయాలలో భారీ వర్షానికి వరద పోటెత్తింది. హిమాయత్‌ సాగర్‌ జలాశయం నిండుకుండలా మారింది. దాంతో అధికారులు అప్రమత్తమైయారు. ఉస్మాన్‌ సాగర్‌ 4 గేట్లు 3 ఫిట్స్‌ హిమాయత్‌ సాగర్‌ 3 గేట్స్‌ 4 ఫిట్స్‌ ఎత్తి వరద నీటిని మూసి లోకి వదిలారు. ఉస్మాన్‌ సాగర్‌ పూర్తి నీటిమట్టం 1790 ఫిట్స్‌ కాగా ప్రస్తుతం వరద నీరు 1789.50 ఫిట్స్‌ చేరుకుంది . ఉస్మాన్‌ సాగర్‌ ఇన్ఫ్లో 1500 అవుట్‌ ఫ్లో 1352 క్యూసెక్కులు. హిమాయత్‌ సాగర్‌ పూర్తి నీటిమట్టం 1763.50 ఫిట్స్‌ కాగా ప్రస్తుతం వరద నీరు 1763.20 ఫీట్స్‌ చేరుకుంది. హిమాయత్‌ సాగర్‌ ఇన్ఫ్లో 5500 అవుట్‌ ఫ్లో 5000 క్యూసెక్కులు. గురువారం మధ్యాహ్నం నుండి ఎడతెరిపి లేకుండా కురుస్తున్న వానకు జలమండలి అధికారులు అప్రమత్తమయ్యారు. జంట జలాశయాలకు ఇంకా వరద నీరు వచ్చే అవకాశం వుంది.
జంట జలాశయాల పరివాహక ప్రాంత ప్రజలు అప్రమత్తంగా ఉండాలని అధికారులు సూచిస్తున్నారు. ఔటర్‌ రింగ్‌ రోడ్డు సర్వీస్‌ రోడ్డు రాజేంద్రనగర్‌ నుండి నార్సింగి వెళ్లే సర్వీస్‌ రోడ్డును అధికారులు తాత్కాలికంగా మూసివేశారు. హిమాయత్‌ సాగర్‌ గేట్లు ఎత్తడంతో ఈ రోడ్డుపై నుండి భారీగా వర్షపు నీరు ప్రవహిస్తుండడంతో అధికారుల అప్రమత్తమై రోడ్డును మూసి వేశారు. రాజేంద్రనగర్‌ సర్వీస్‌ రోడ్డులో ప్రయాణించేవారు రాజేంద్రనగర్‌ బుద్వేల్‌ కిస్మత్పూర్‌ బండ్లగూడ జాగిర్‌ విూదుగా రాకపోకలు సాగించాలని ట్రాఫిక్‌ పోలీసులు సూచిస్తున్నారు