హైదరాబాద్, నవంబర్‌ 23 (ఇయ్యాల తెలంగాణ) : చాలా మందిలో భోజనము తినగానే కునుకు తీసే అలవాటుంటుంది. కానీ తినగానే కాసేపైనా అటూ ఇటూ తిరగాలని పెద్దలంటుంటారు. తిన్న దగ్గర నుంచి కొద్దిగా నైనా పక్కకు జరగాలని ఏంతో మంది ఇళ్లల్లో పెద్దలు చెబుతూనే ఉంటారు. తినగానే నడవడం వల్ల మనకు ఎలాంటి ఉపయోగాలున్నాయో చూద్దాం !
భోజనము చేసిన తరువాత కొద్ది సేపైనా నడవడం వల్ల జీర్ణక్రియ మెరుగవుతుంది.
ఆహార నాళంలో ఉన్న భోజనము వేగంగా కదులుతుంది.
భోజనం అయ్యాక 15 నిముషాలు నడవడం వల్ల అల్సర్, గుండెలో మంట, మలబద్దకం, కొలేరెక్టల్ వంటి వ్యాధులు రాకుండా నివారించవచ్చని వైద్య నిపుణులు సూచిస్తున్నారు.
భోజనము చేసిన తరువాత నడక వల్ల శరీరంలో ఎండార్ఫిన్లు విడుదలవుతాయి. వీటి వల్ల మానసిక పరిస్థితి మెరుగుపడడంతో పాటు నిద్ర లేమి సమస్యను దూరం చేసుకోవచ్చని డాక్టర్లు సూచిస్తున్నారు.
ఇంకెదుకిక ఆలస్యం ఈరోజు నుంచి తినగానే ఒకే దగ్గర కూర్చోవడమో పడుకోవడమో చేయకుండా చక్కగా నడక ప్రారంభించండి మరి !
