ఐక్యరాజ్యసమితి సర్వసభ్య సమావేశాలకు MP వంశీ

పెద్దపల్లి, అక్టోబర్ 08 (ఇయ్యాల తెలంగాణ) : పెద్దపల్లి ఎంపీ  గడ్డం వంశీకృష్ణ  ఐక్యరాజ్యసమితి  సర్వసభ్య సమావేశాలకు హాజరయ్యేందు కు మంగళవారం బయలుదేరారు. ప్రపంచ దేశాల ప్రతినిధులు పాల్గొనే ఈ సమావేశంలో భారతదేశం తరఫున పాల్గొంటూ, దేశ అభివృద్ధి, సమానత్వం, సామాజిక న్యాయం తదితర ప్రధాన అంశాలపై చర్చించనున్నారు. ఇప్పటివరకు భారతదేశం తరఫున చాలా తక్కువ మంది పార్లమెంట్‌ సభ్యులు మాత్రమే ఈ సమావేశాలకు హాజరు కాగా అలాంటి వేదికపై తెలంగాణ రాష్ట్రానికి ప్రాతినిధ్యం వహించడం పెద్దపల్లి ప్రజలకు గర్వకారణంగా నిలిచింది.ఐక్య రాజ్యసమితి సమావేశా ల సందర్భంగా వివిధ దేశాల ప్రతినిధులతో వంశీకృష్ణ  పరస్పర చర్చలు జరపనున్నా రు. ప్రపంచ స్థాయి అభివృద్ధి కార్యక్రమాలు, సామాజిక సమానత్వం, విద్యా, ఉపాధి అవకాశాల పెంపు అంశాలపై భారత దృక్కోణాన్ని ఆయన ప్రస్తావించనున్నారు.