.jpeg)
తిరుమల సెప్టెంబర్ 12 (ఇయ్యాల తెలంగాణ ): తిరుమల శ్రీవారి ఆలయంలో కోయిల్‌ ఆల్వార్‌ తిరుమంజనం వేడుకగా జరిగింది. సెప్టెంబరు 18 నుండి 26వ తేదీ వరకు సాలకట్ల బ్రహ్మోత్సవాలు జరగనున్నాయి. ఈ నేపథ్యంలో ఆల యం అంతటా శాస్త్రోక్తంగా ఆలయ శుద్ది నిర్వహించారు అర్చకులు, సిబ్బంది. ఈ కార్యక్రమంలో టీటీడీ ఛైర్మన్‌ భూమన కరుణాకర్‌ రెడ్డి, ఈవో ధర్మారెడ్డి తదితరులు పాల్గొన్నారు. ఆలయ శుద్ధి కార్యక్రమాన్ని నిర్వ హించారు అర్చకులు. ఆనందనిల యం, బంగారువాకిలి వరకు, శ్రీవారి ఆలయం లోపల ఉప దేవాలయాలు, ఆలయ ప్రాంగణం, పోటు, గోడలు, పైకప్పు, పూజాసామగ్రి తదితర వస్తువులను నీటితో శుభ్రం చేశారు. ఈ సమయంలో స్వామివారి మూలవిరాట్టును వస్త్రంతో పూర్తిగా కప్పి ఉంచారు. ఆలయ శుద్ధి అనంతరం సుగంధ ద్రవ్యాలు కలగలిపిన పవిత్ర పరిమళ జలాన్ని ఆలయమంతటా ప్రోక్షణం చేశారు. అనంతరం స్వామివారి మూలవిరాట్టుకు కప్పిన వస్త్రాన్ని తొలగించి ప్రత్యేక పూజ, నైవేద్యం కార్యక్రమాలను అర్చకులు శాస్త్రోక్తంగా నిర్వహించారు. అనంతరం భక్తులను సర్వదర్శనానికి అనుమతించారు.
