హైదరాబాద్ ఆగస్టు 28 (ఇయ్యాల తెలంగాణ ): గత ఏడాది ప్రపంచ అథ్లెటిక్స్‌ చాంపియన్‌షిప్‌లో రజత పతకం నెగ్గిన భారత జావెలిన్‌ త్రోయర్‌ నీరజ్‌ చోప్రా.. ఈసారి స్వర్ణ పతకం సాధించాడు. ఆదివారం ముగిసిన ప్రపంచ చాంపియన్‌షిప్‌లో ఈటెను 88.17 విూటర్లు విసిరిన నీరజ్‌.. పసిడి పతకం ఖాతాలో వేసుకున్నాడు. నీరజ్‌ రెండో ప్రయత్నంలో ఈటెను 88.17 విూటర్లు విసిరగా.. మొత్తం ఆరు ప్రయత్నాల్లో ఈ దూరాన్ని మరో అథ్లెట్‌ అధిగమించలేకపోయాడు. పాకిస్తాన్‌కు చెందిన అర్షద్‌ నదీమ్‌ 87.82 విూటర్లతో రజత పతకం దక్కించుకోగా.. చెక్‌ రిపబ్లిక్‌ అథ్లెట్‌ జాకుబ్‌ వాద్లెచ్‌ 86.67 విూటర్లతో కాంస్య పతకం సాధించాడు.ప్రపంచ అథ్లెటిక్స్‌ చాంపియన్‌షిప్‌ 2023లో పాకిస్థాన్‌ అథ్లెట్‌ మెరుగైన ప్రదర్శన ఇవ్వడంతో.. భారత దేశంలో ఈ పోరును ఇండో`పాక్‌ మధ్య యుద్ధంగా భావిస్తారని నీరజ్‌ చోప్రా పేర్కొన్నాడు. మ్యాచ్‌ అనంతరం నీరజ్‌ మాట్లాడుతూ? ‘నేను ఏ పోటీకి ముందు అయినా ఎక్కువగా మొబైల్‌ ఫోన్‌ వాడను. కానీ ఈ రోజు ఫోన్‌ చూడగా.. అందులో మొదటగా భారత్‌ లబ పాకిస్థాన్‌ అని కనబడిరది. అయితే యూరోపియన్‌ అథ్లెట్లు చాలా ప్రమాదకరం. వారు పెద్ద త్రోను చేయగలరు. అర్షద్‌ నదీమ్‌ మాత్రమే కాదు.. జాకుబ్‌ వాద్లెచ్‌, జూలియన్‌ వెబర్‌ కూడా ఉన్నారు.
