చాంద్రాయణ గుట్ట, డిసెంబర్ 19 (ఇయ్యాల తెలంగాణ) : బట్జీ నగర్ లో SC డెవలప్మెంట్ సొసైటీ అధ్యక్షులు పులికంటి నరేష్ చేతులమీదుగా క్రిస్మస్ పండుగ సందర్బంగా కిట్స్ పంపిణీ చేయడం జరిగింది.జంగమ్మెట్ డివిజన్ కార్పొరేటర్ ఎండీ అబ్దుల్ రెహమాన్ డివిజన్ సంక్షేమ కార్యక్రమాలో బిజీగా ఉన్నందున పులికంటి నరేష్ క్రిస్మస్ కిట్స్ పంచారు. ఈ సందర్బంగా పులికంటి నరేష్ మాట్లాడుతూ తెలంగాణ రాష్ట్ర ఏర్పడిన తరువాత ముఖ్యమంత్రి కెసిఆర్ పేద ప్రజలకు ఎన్నో సంక్షేమ పథకాలు అందజేస్తున్నారని అన్నారు. ఇందులో భాగంగా చాంద్రాయణగుట్ట నియోజకవర్గం MLA అక్బరుద్దీన్ ఒవైసి బడుగు బలహీన వర్గాలకు చెందిన అనేక మంది నిరుపేదలకు కుల మతాల కతీతంగా ప్రభుత్వం చేపట్టిన సంక్షేమ పథకాలను పేద ప్రజలు అందుకునేలా చూస్తున్నారని అన్నారు. చాంద్రాయణగుట్ట నియోజకవర్గం ప్రజలందరూ ప్రభుత్వ పాలనలో భాగస్వాములు కావాలని SC డెవలప్మెంట్ సొసైటీ అధ్యక్షులు పులికంటి నరేష్ పిలుపునిచ్చారు. ఈ కార్యక్రమంలో చర్చి పాస్టర్ యోనా,అభి,నరేందర్, తదితరులు పాల్గొన్నారు.
