13న ప్రగతిభవన్‌లో సవిూక్షించనున్న సిఎం కెసిఆర్‌
హైదరాబాద్‌,సెప్టెంబర్11(ఇయ్యాల తెలంగాణ): దళితబంధును పైలట్‌ ప్రాజెక్టుగా అమలు పరచనున్న నాలుగు మండాలల్లో పథకం అమలు కోసం ఈ నెల 13న మధ్యాహ్నం 2:30 గంటలకు ప్రగతి భవన్‌లో సన్నాహక సమావేశాన్ని నిర్వహించాలని సీఎం కేసీఆర్‌ నిర్ణయించారు. దళితబంధు పథకాన్ని హుజూరాబాద్‌ నియోజకవర్గంతో పాటు మధిర నియోజక వర్గంలోని చింతకాని మండలం, తుంగతుర్తి నియోజకవర్గంలోని తిరుమలగిరి మండలం, అచ్చంపేట నియోజకవర్గంలోని చారగొండ మండలం, జుక్కల్‌ నియోజకవర్గంలోని నిజాం సాగర్‌ మండలాల్లో పైలట్‌ ప్రాజెక్టుగా చేపడుతామని ఇటీవలే సీఎం కేసీఆర్‌ ప్రకటించిన సంగతి తెలిసిందే. ఈ నేపథ్యంలో ఈ నాలుగు మండలాల్లో దళితబంధు పథకం అమలుకు సంబంధించి చేపట్టాల్సిన కార్యాచరణ కోసం దళిత బంధు పథకం అమలు సన్నాహక సమావేశాన్ని నిర్వహించనున్నట్టు సీఎం తెలిపారు. ఇప్పటికే దళితబంధు హుజూరాబాద్‌లో అమలు చేస్తున్నారు. అక్కడ సిఎం కెసిఆర్‌ స్వయంగా పథకాన్ని ప్రారంభించారు. తాజాగా ఇప్పుడు మరో నాలుగు మండలాల్లో దీనిని అమలు చేసేందుకు నిర్ణయించారు.
