విజయపురి వెల్ఫేర్ అసోసియేషన్ అధ్యక్షులుగా నాగరాజు రావు
హైదరాబాద్,సెప్టెంబర్ 25 (ఇయ్యాల తెలంగాణ) : వెల్ఫేర్ అసోసియేషన్ల ద్వారా సేవలందిస్తూ తమ కాలనీలను అన్ని విధాలా సౌకర్యవంతంగా తీర్చిదిద్దుకుంటున్న వెల్ఫేర్ సభ్యుల కృషి ఏంతో అభినందనీయమని డిప్యూటీ స్పీకర్ పద్మారావు గౌడ్ అన్నారు. విజయపురి వెల్ఫేర్ అసోసియేషన్ స్థాపించిన 1991 వ సంవత్సరం నుంచి విజయపురి కాలనీ లో అసోసియేషన్ ప్రెసిడెంట్ గా మళ్ళీ ఎన్నికైన నాగరాజు రావును ఆయన శనివారం శాలువాతో సన్మానించి సత్కరించారు. ఈ సందర్బంగా వెల్ఫేర్ సభ్యులకు డిప్యూటీ స్పీకర్ ప్రత్యేక అభినందనలతో కొనియాడారు. ఏండ్ల తరబడి విశిష్ట సేవలందిస్తూ తమ కాలనీలను ఆదర్శవంతంగా తీర్చి దిద్దుకోవడం గర్వకారణమని కొనియాడారు. గత 94 సంవత్సరాలుగా అధ్యక్షులు గా ఉన్న నాగరాజు రావు ఈ అసోసియేషన్ ను ఎంతో అభివృద్ధి పరిచి, ఈ వయసులో కూడా యువ ఉత్సాహంతో పరుగులు పెడుతున్న ఉత్సాహం చాలా హర్షణీయమని పద్మారావు అభిప్రాయపడ్డారు.
ఈ కార్యక్రమంలో అసోసియేషన్ సెక్రటరీ శ్రీనివాస్ రెడ్డి ని, రైల్వే కాలేజీ రిటైర్డ్ ప్రిన్సిపాల్ ఇందిరా ని, కాలనీవాసులు, వీరమాచనేని పడగయ్య హై స్కూల్ కరస్పాండెంట్ రమేష్ బాబు లను డిప్యూటీ స్పీకర్ పద్మారావు శాలువాతో సత్కరించారు. ఈ కార్యక్రమంలో యూత్ ఐకాన్ రామేశ్వర్ గౌడ్, యంగ్ లీడర్ కిషోర్ గౌడ్ ,టీఆర్ఎస్ సిటీ జాయింట్ సెక్రెటరీ రాజేష్ గౌడ్, డాక్టర్ కటకం గంగాధర్, సునీల్ ,కౌశిక్ తదితరులు పాల్గొన్నారు.
