మహబూబాబాద్‌,జూన్11(
ఇయ్యల తెలంగాణ): కాంగ్రెస్‌ ప్రభుత్వం ఇచ్చిన అసైన్డ్‌ భూములను టీఆర్‌ఎస్‌ గుంజు కుంటుందని ములుగు ఎమ్మెల్యీ సీతక్క ఆరోపించారు. పోడు భూముల సమస్యలను పరిష్కరించడంలో సిఎం కెసిఆర్‌ ఇంత వరకు హావిూని నిలబెట్టుకోలేదని అన్నారు. ఈ సమస్యను తక్షణం పరిస్కరించాలంటూ జిల్లా కలెక్టర్‌ వి.పి.గౌతమ్‌కు కాంగ్రెస్‌ పార్టీ ఆధ్వర్యంలో ఎమ్మెల్యే సీతక్క మెమోరాండం అందజేశారు. ఈ సందర్భంగా ఎమ్మెల్యే మాట్లాడుతూ టీఆర్‌ఎస్‌ మేనిఫెస్టోలో పెట్టిన డబుల్‌ బెడ్రూం ఇండ్లు ఇవ్వలేదు కానీ పేదలు నివాసాలు ఏర్పర్చుకున్న ఉన్న భూములను గుంజు కుంటుందని విమర్శించారు. 1940, 1960సంవత్సరాల మ్యాప్‌తో అటవీశాఖ అధికారులు పోడు భూములలో ట్రెంచ్‌లు కొడుతున్నారని మండిపడ్డారు. ఏ భూమిలో ఏ పంట పండుతుందో పండించే రైతుకు తెలుసు కానీ ప్రభుత్వానికి ఏం తెలుస్తుందని ప్రశ్నించారు. పంట మద్దతు ధరను రాష్ట్ర ప్రభుత్వం ముందే ప్రకటించాలని డిమాండ్‌ చేశారు. గిరిజనులైన ఎంపీ, మంత్రి పోడు భూములకు పట్టాలు ఇప్పించాలని ఎమ్మెల్యే సీతక్క పట్టుబట్టారు.
0 కామెంట్‌లు