సోషల్ మీడియాల్ వైరల్ అవుతున్న చిరుత మరో వీడియో

నగరం లోని మైలార్ దేవుల్ పల్లి ప్రాంతంలో గుర్తించిన చిరుత పులి శంషాబాద్ ప్రాంతం నుంచి వెళ్లి పోయిందని అటవీ శాఖ అధికారులు వెల్లడించారు. రెండు రోజుల పాటు చిరుత జాడ కోసం  అధికారులు నానా హైరానా పడ్డారు. గురువారం ప్రారంభమైన ఆపరేషన్ శుక్రవారం కూడా కొనసాగింది. శంషాబాద్ సమీపంలో ఒక ప్రయివేట్ వ్యవసాయ క్షేత్రంలో జల్లెడ పట్టిన అధికారులు చిరుత జాడలను పాదముద్రల సహకారంతో గుర్తించారు. అది తిరిగిన ప్రాంతాల ఆధారంగా రెండు రోజులుగా గుర్తించే ప్రయత్నం చేశారు. పోలీసు శాఖా సహాయం తీసుకున్న అటవీ శాఖా అధికారులు ఆధునిక సాంకేతిక పరిజ్ఞానం ఆధారంగా శోదించారు. డ్రోన్ కెమెరాలను సిసి కెమెరాల చిత్రాలను విశ్లేషించారు. చివరకు చిరుత పాద ముద్రలను ఫామ్ హౌస్ లో గుర్తించిన అధికారులు పోలీసుల డాగ్ స్క్యాడ్ సహకారంతో చిరుత ఏ వైపుగా వెళ్లి ఉంటుందో  తేల్చారు. గురువారం రోజంతా అక్కడే ఉండి   రాత్రి అగ్రికల్టెర్ యూనివర్సిటీ మీదుగా చిలుకూరు  అటవీ ప్రాంతం వైపు వెళ్లినట్లు అధికారులు గుర్తించారు. మళ్ళీ ఆహారం కోసం అక్కడకు వచ్చే అవకాశం ఉందని భావిస్తున్న అటవీ శాఖా అధికారులు దానిని బంధించేందుకు అవసరమైన        బోనులను,సిసి కెమెరాలను కొనసాగించాలని నిర్ణయించారు.  అలాగే తగిన చర్యలు తీసుకోవడం తో పాటు చిలుకూరు అటవీ ప్రాంతంలో నిత్యం నిఘా పెడతామని పేర్కొన్నారు.

ఇదిలా ఉండగా ఇప్పుడు మరొక వీడియో సోషల్ మీడియాలో వైరల్ అవుతుంది కావున అధికారులు చిరుత జాడను కాదు అది ఎక్కడుందో గుర్తించండి అంటూ జనాలు కోరుతున్నారు.