భాజపా యువమోర్చా నాయకుడు పి సునీల్ కుమార్, దళిత మోర్చా నాయకుడు పొలిమేర సంతోష్ కుమార్ లు పార్టీ అధిష్టానం పిలుపు మేరకు భాజపా హైదరాబాద్ కరోనా వారియర్స్ టీం సనత్ నగర్ తరఫున మాజీ రాష్ట్ర కౌన్సిల్ సభ్యులు యేచన్ సురేష్ మరియు ఆకూరి శ్రీనివాస్ రావు ల మార్గదర్శకత్వంలో 37 వ రోజు “ఫీడ్ ది నీడి” కార్యక్రమాన్ని చేపట్టారు.
నేటి “ఫీడ్ ది నీడి” కార్యక్రమానికి చిన్నతరహా పారిశ్రామికవేత్త కూకట్ పల్లి ప్రశాంత్ నగర్ లోని విక్టోరియా ఎంటర్ ప్రైజెస్ అధినేత విట్టల్ రామా రావు దాతగా ఆర్థిక సహాయం అందించారు. ఈ సందర్బంగా యేచన్ సురేష్ మాట్లాడుతూ విట్టల్ రామారావు లాంటి పారిశ్రామికవేత్తలు మానవీయ కోణంతో సమాజ సేవకు ముందుకు రావడం ఆహ్వానించదగ్గ పరిణామమన్నారు.
తదనంతరం కార్యక్రమ ముఖ్య అతిథి అట్లూరి రామకృష్ణ, భాజపా నగర ప్రధాన కార్యదర్శి మరియు దాత విట్టల్ రామారావు, వారి సోదరుడు గాయత్రీ బయో ఆర్గానిక్స్ డైరెక్టర్ విట్టల్ మురళి, పి శ్రీనివాస్ ప్రసాద్, భాజపా సీనియర్ నాయకులు యేచన్ సురేష్, ఆకూరి శ్రీనివాస్ రావు, యువమోర్చా నాయకుడు పి సునీల్ కుమార్, దళిత మోర్చా నాయకుడు పొలిమేర సంతోష్ కుమార్ లతో కలిసి అన్నార్థులకు స్వామి టాకీస్ కాంప్లెక్ వద్ద ఆహార పొట్లాలు అందచేశారు. ఈ సందర్బంగా సునీల్ కుమార్ మరియు సంతోష్ కుమార్ లు మాట్లాడుతూ సమాజంలోని ప్రతి వ్యక్తి సంఘటితంగా కలిసి ముందుకు సాగడం ద్వారానే కరోనా వైరస్ ను భారతదేశం నుండి శాశ్వతంగా సాగనంపవచ్చన్నారు.
ఈ కార్యక్రమానికి రాష్ట్ర కౌన్సిల్ సభ్యుడు తాళ్ళ జైహింద్ గౌడ్, శంకర్, విజయ్, కాసాని శివప్రసాద్ గౌడ్, రాజు (ఢోలక్ సత్యనారాయణ కుమారుడు), అరుణ్ గౌడ్, బిజెపి సీనియర్ నాయకులు గోలి వెంకటపతి, మిథుల్ రాజ్, ఫణిమాల, కార్తీక్ వారణాసి, శ్రీ బంటి కిషోర్, శ్రీ ధర్మేంద్ర, భాను, జె కె ఠాకూర్ తదితరులు సహకారం అందించారు.