వైభవోపేతంగా కొనసాగుతున్న ఉజ్జయిని మహాకాళి Bonalu !

సికింద్రాబాద్, జులై 21 (ఇయ్యాల తెలంగాణ) : సికింద్రాబాద్ లష్కర్ ఉజ్జయిని మహాకాళి మాత  బోనాల జాతర అంగరంగ వైభవంగా కొనసాగుతుంది. ఈ రోజు ఉదయం నుంచే భక్తులు పెద్ద ఎత్తున అమ్మవారికి బోనాలు సమర్పించుకున్నారు. మమ్ములను, మా పిల్ల పాపలను చల్లంగా చూడు మహాకాళి మాత అంటూ వేడుకున్నారు. అనేక మంది ప్రముఖులు అమ్మవారిని దర్శించుకున్నారు. తెలంగాణ రాష్ట్ర ముఖ్యమంత్రి రేవంత్ రెడ్డి అమ్మవారిని దర్శించుకున్నారు. అమ్మవారి సన్నిధిలో రాజకీయాలు చేయడం సరికాదన్నారు. సీఎం రేవంత్ రెడ్డి, హిమాచల్ ప్రదేశ్ గవర్నర్ బండారు  దత్తాత్రేయ, కేంద్ర మంత్రి కిషన్ రెడ్డి తదితరులు ఉజ్జయిని అమ్మవారిని దర్శించుకున్నారు. భక్తులకు ఎలాంటి అసౌకర్యం కలుగకుండా వివిధ విభాగాల అధికారులు విశిష్ట సేవలను అందించారు. పోలీసులు పటిష్టమైన బందోబస్తును ఏర్పాటు చేశారు. జీహెచ్ఎంసీ అధికారులు సిబ్బంది ఎప్పటికప్పుడు ప్రత్యేక పర్యవేక్షణ కొనసాగించారు.