హైదరాబాద్‌ మార్చ్‌ 4 ( ఇయ్యాల తెలంగాణ ) : ముఖ్యమంత్రి కేసీఆర్‌ జార్ఖండ్‌ పర్యటన పై తెలంగాణ వైఎస్‌ ఆర్‌ తెలంగాణ పార్టీ అధినేత షర్మిల ఫైర్‌ అయ్యారు. శుక్రవారం జార్ఖండ్‌ కు వెళ్లి గల్వన్‌ లోయలో వీరమరణం పొందిన సైనిక కుటుంబాలకు ఆర్దిక సాయం చేసిన విషయం తెలిసిందే. ఈ సందర్భంగా ఆమె మాట్లాడుతూ అమర జవాన్ల కుటుంబాలకు రూ.10లక్షలు ఇవ్వడం తప్పుకాదు. అలాగే ఢిల్లీలో చనిపోయిన రైతులకు పరిహారం అందించడంలో తప్పులేదు.కానీ తెలంగాణ కోసం అమరులైన వారి కుటుంబాలకు ఎందుకు సాయం చేయరు ? అంటూ షర్మిల ప్రశ్నించారు. 1200 మంది అమరులని ఉద్యమంలో గొంతు చించుకున్న మీరు అధికారంలోకి వచ్చాక కొందరే అమరులెందుకయ్యారు ? అని ప్రశ్నించారు.