శ్రీశైలం, జూలై 16 (ఇయ్యాల తెలంగాణ) : పరిపాలనాంశాల పరిశీలనలో భాగంగా కార్యనిర్వహణాధికారివారు బాహ్యవలయరహదారి (ఔటర్ రింగురోడ్డు) పరిసరప్రాంతాలు, యాంఫీథియేటర్, సారంగధరమఠం తదితర వాటిని ఇంజనీరింగ్ అధికారులతో కలిసి పరిశీలించారు. ఈ సందర్భంగా కార్యనిర్వహణాదికారివారు మాట్లాడుతూ వలయరహదారిలోని చుట్టు పక్కల గల పిచ్చిమొక్కలను, బండరాళ్ళను తదితర వ్యర్థాలను తొలగించాలని ఇంజనీరింగ్ అధికారులను ఆదేశించారు. అదేవిధంగా యాంపిథియేటర్ పరిసరాలు ఆహ్లాదకరంగా ఉండేవిధంగా తీర్చిదిద్దాలన్నారు. ముఖ్యంగా పరిసరాలలో పచ్చదనాన్ని పెంపొందించాలన్నారు. ఎప్పటికప్పుడు చెత్తాచెదారాలను, వ్యర్థాలను తొలగించాలని పారిశుద్ధ్నపు అధికారులను ఆదేశించారు. సారంగధరమఠం వద్ద వర్షపు నీటితో పాటు కొట్టుకువచ్చే వ్యర్థాలు, గుండాలలో కలవకుండా ఎప్పటికప్పుడు పర్యవేక్షిస్తుండాలని సంబంధిత అధికారులను ఆదేశించారు. అలాగే గుండాలలో వ్యర్థాలు కలవకుండా ఉండేందుకు గుండాలచుట్టూ సిమెంట్ గట్టులను ఏర్పాటు చేయాలని ఆదేశించారు. భక్తులరద్దీని దృష్టిలో ఉంచుకుని బాహ్యవలయరహదారిలో ట్రాఫిక్ సమస్యలు తలెత్తకుండా ఎప్పటికప్పుడు ముందస్తు ప్రణాళికలు రూపొందించుకోవాలని భద్రతావిభాగాన్ని ఆదేశించారు. ఈ విషయములో స్థానిక పోలీసుశాఖవారి సహకారాన్ని తీసుకోవాలన్నారు. బాహ్యవలయరహదారి విభాగిణిలలో సెంట్రల్ విూడియన్స్లో పచ్చదనాన్ని మరింతగా పెంచాలని ఉద్యానవన అధికారులను ఆదేశించారు.
ఈ కార్యక్రమములో ఎగ్జిక్యూటీవ్ ఇంజనీరు వి.రామకృష్ణ, డిప్యూటీ ఎగ్జిక్యూటీవ్ ఇంజనీరు (ఐసి) పి.చంద్రశేఖరశాస్త్రి, అసిస్టెంట్ ఇంజనీర్లు తదితరులు పాల్గొన్నారు.